మెగాస్టార్ చిరంజీవి రాబోయే సినిమాపై అభిమానుల్లో భారీ అంచనాలు పెరిగిపోయాయి. గాడ్ ఫాదర్ సినిమా తర్వాత వాల్తేరు వీరయ్య సంక్రాంతికి రిలీజ్ కానుందని ఇప్పటికి అనౌన్స్ జరిగింది. దీంతో మెగా అభిమానుల్లో భారీ అంచనాలు పెరిగిపోయాయి. ఈ తరుణంలోనే మెగా అభిమానులను ఆ సెంటిమెంట్ మాత్రం కలవరపెడుతోంది. అదేంటయ్యా అంటే.. మెగాస్టార్ చిరంజీవి మరియు రామ్ చరణ్ ఇద్దరూ కలిసి చేసిన సినిమా ఆచార్య. ఈ మూవీ రిజల్ట్ ఎలా వచ్చిందో మనందరికీ తెలిసిన విషయమే. ఈ చిత్రానికి స్టార్ డైరెక్టర్ కొరటాల శివ దర్శకత్వం వహించారు.
ఈ చిత్రం తర్వాత రీమేక్ మూవీ అయిన గాడ్ ఫాదర్ మూవీ లో చిరంజీవి నటించడం జరిగింది. ఈ సినిమా పాజిటివ్ టాక్ వచ్చింది కానీ, వారం రోజుల వరకు కలెక్షన్స్ బాగానే వచ్చి ఆ తర్వాత తగ్గిపోయాయి. ఈ సినిమాలో గెస్ట్ పాత్రలో సల్మాన్ ఖాన్ నటించిన విషయం తెలిసిందే. ఈ తరుణంలోనే వాల్తేరు వీరయ్య సినిమా గురించి సోషల్ మీడియా వేదికగా చర్చ సాగుతోంది. ఈ చిత్రంలో ఫ్యాన్స్ ని ఎంతో ఉత్సాహపరిచే క్యారక్టర్లో చిరంజీవి నటిస్తున్నాడని అర్థమవుతోంది. ఇందులో గెస్ట్ రోల్ లో మాస్ మహారాజా రవితేజ కూడా నటిస్తున్నాడట.
కానీ ఈ సినిమా రిజల్ట్ విషయంలో మెగా ఫ్యాన్స్ కి కాస్త టెన్షన్ పట్టుకున్నట్టు తెలుస్తోంది. ఎందుకంటే ఆచార్య మూవీలో రామ్ చరణ్ తో పాటు చిరంజీవి కూడా నటించారు. ఆ మూవీ కూడా డిజాస్టర్ గా నిలిచింది. గాడ్ ఫాదర్లో కూడా చిరంజీవితో పాటు సల్మాన్ ఖాన్ నటించారు. ఈ సినిమా అంతగా ఆకట్టుకోలేదు. ప్రస్తుతం వాల్తేరు వీరయ్య సినిమాలో కూడా అదే సెంటిమెంట్ వర్కౌట్ అవుతుందా అని ఫ్యాన్స్ కాస్త టెన్షన్ పడుతున్నట్టు తెలుస్తోంది.