తెలంగాణ లాసెట్–2023 కౌన్సెలింగ్ షెడ్యూల్ను ఉన్నత విద్యామండలి విడుదల చేసింది. నవంబర్ 14 నుంచి ఎల్ఎల్బీ, ఎల్ఎల్ఎం కోర్సుల్లో సీట్ల భర్తీకి ప్రక్రియ ప్రారంభం అవుతుంది. ఈ మేరకు నవంబర్ 11న నోటిఫికేషన్ వెలువడనుంది.
రాష్ట్రంలో మూడేళ్ల ఎల్ఎల్బీ కోర్సులో 4,790 సీట్లు, ఐదేళ్ల ఎల్ఎల్బీ కోర్సులో 2,280 సీట్లు, ఎల్ఎల్ఎం కోర్సులో 930 సీట్లు అందుబాటులో ఉన్నాయి. మొత్తం 58 కళాశాలలు అందుబాటులో ఉన్నాయి.
కౌన్సెలింగ్ షెడ్యూల్ ఇదే..
నవంబర్ 14–21 వరకు ఆన్లైన్ రిజిస్ర్టేషన్, సర్టిఫికేట్ వెరిఫికేషన్
నవంబర్ 23, 24 తేదీల్లో వెబ్ ఆప్షన్ల నమోదు
నవంబర్ 28న సీట్ల కేటాయింపు
నవంబర్ 29 నుంచి డిసెంబర్ 2 వరకు ఫీజు చెల్లింపు, రిపోర్టింగ్
డిసెంబర్ 04 నుంచి క్లాసులు ప్రారంభం