“ధమాకా”కు దమ్కి ఇస్తున్న అవతార్ 2 ..!!

మాస్ మహారాజా రవితేజ ధమాకా సినిమాకు పోటీ ఇచ్చే 18 పేజెస్ కనెక్ట్ సినిమాకు భయపడాలా? లేదంటే హాలీవుడ్ సునామీ మూవీ అవతార్ 2 సినిమాకి భయపడాలా ?అనేది తెలియడం లేదు. నిజంగానే అవతార్ 2 సినిమా జోరు ఈవారం కూడా వసూళ్ల సునామి తెచ్చేలా ఉంది. దీంతో ఇప్పుడు ఈ వారం వచ్చే మూవీలు వాటిలో అవి పోటీ పడడం ఏమో కానీ అవతార్ 2 సినిమా ఇచ్చే పోటీ నుండి గట్టెక్కడమే పెద్ద సవాల్ గా మారుతుంది. ధమాకా మూవీ ఈ వారమే రాబోతోంది. దీనికి ఒక్కరోజు ముందు నయనతార ప్రధాన పాత్రలో వచ్చిన కనెక్ట్ మూవీ రిలీజ్ కాబోతుంది. అలాగే 18 పేజెస్ మూవీ కూడా ఈ వారమే రిలీజ్ అవ్వనుందని తెలుస్తోంది. ఇక కట్ చేస్తే మాస్ మహారాజా ధమాకా మూవీ రాబోయే సినిమాలు భయపెట్టట్లేదు.

కానీ ఆల్రెడీ విడుదలైన హాలీవుడ్ మూవీ అవతార్ 2 భయపెట్టేలా ఉంది. అవతార్ 2 సినిమా వరల్డ్ వైడ్ గా దుమ్ము రేపుతోంది. ఈ సినిమా థియేటర్స్ లో రిలీజ్ అయ్యి మూడు రోజుల్లో దాదాపు 180 కోట్లు రాబట్టిందని తెలుస్తోంది. జనాల్లో ఈ సినిమాకి ఉన్న క్రేజ్,అడ్వాన్స్ బుకింగ్ పరంగా చూస్తే మరో 20 రోజుల వరకు అవతార్ 2 సినిమా జోరు తగ్గేలా లేదు. ఇక నయనతార టీం కూడా మాస్ మహారాజా మూవీతో పోటీకి వెనకడుగు వేసింది. అందుకే ధమాకా సినిమా రిలీజ్ కి ఒక రోజు ముందే ఈ సినిమా విడుదల కానుంది. అయితే అవతార్ 2 సినిమా జోరు చూస్తే రాబోయే సినిమాల కంటే ఆల్రెడీ వచ్చేసిన సినిమానే తలనొప్పిలా ఉందని అనుకుంటున్నారట.

నిఖిల్ కార్తికేయ 2, హిట్ తర్వాత 18 పేజీస్ సినిమాతో రాబోతున్నాడు. ఓవైపు ధమాకా మరోవైపు ఆల్రెడీ హిట్ అయిన అవతార్ 2, ఈ రెండిటి మధ్య నలగకుండా ఉండాలంటే 18 పేజెస్ మూవీకి ఏదో మ్యాజిక్ జరగాలి. కానీ ఈ సినిమా ఇప్పటికి కూడా విడుదల కాకపోతే రాబోయే సీజన్లో ఏది ఈ మూవీకి కలిసొచ్చే ఛాన్స్ లేదు. ఇక అవతార్ 2 సినిమా జోరు లాస్ట్ వీక్ లాగానే కొనసాగితే మీడియం రేంజ్ సినిమాల ప్రయోగాలు, మాస్ సినిమాలు ఏవి కూడా అవతార్2 జోరుని తట్టుకోలేవు. ఫ్యామిలీ ఆడియన్స్ నుంచి యూత్ వరకు అంతటా అవతార్ 2 జోరు కనిపిస్తోంది.