ప్రపంచవ్యాప్తంగా భారీ అంచనాల నడుమ విడుదలైన సినిమా అవతార్ 2.. ఈ సినిమా ఇప్పటికే థియేటర్లో రికార్డులు క్రియేట్ చేస్తూ ముందుకు సాగుతోంది. అలాంటి ఈ మూవీ మూడు రోజుల్లో ఎంత కలెక్షన్స్ సాధించింది అనేది ఇప్పుడు తెలుసుకుందాం. గత కొన్ని ఏళ్లుగా సినీ ప్రపంచం ఆసక్తిగా ఎదురుచూస్తున్న అవతార్ 2 గత వారం థియేటర్లలోకి వచ్చింది. 13 సంవత్సరాల కిందట వచ్చిన మొదటి భాగంలో పండోరా అందాలను చూపించి ప్రేక్షకులను మరో ప్రపంచం లోకి తీసుకెళ్లారు జేమ్స్ కామెరూన్.
ఇప్పుడు ఆ చిత్రానికి కొనసాగింపుగా ది వే ఆఫ్ వాటర్ అందరినీ ఆకట్టుకుంటుంది. నీటి అడుగు భాగంలో అందాలు భారీ సముద్ర జీవులతో మరో ప్రపంచం లోకి తీసుకెళ్తుంది అని చెప్పవచ్చు. ప్రపంచం మొత్తం 160 భాషల్లో 55 వేల థియేటర్లలో రిలీజ్ అయింది ఈ మూవీ.ఇండియాలో ఇంగ్లీష్ తో పాటుగా తెలుగు,తమిళ్,హిందీ, మలయాళ భాషల్లో 4000 వేలకు పైగా థియేటర్లలో విడుదలైంది.
కథ కథనం విషయంలో మిశ్రమ స్పందన వస్తున్నప్పటికీ వసూళ్లలో మాత్రం దూసుకుపోతుందని చెప్పవచ్చు. కేవలం మూడు రోజుల్లోనే 3600 కోట్లు రాబట్టినట్టు ట్రేడ్ వర్గాలు తెలియజేస్తున్నాయి. ఇక ఇండియాలో కూడా ఈ మూవీ కలెక్షన్ల వర్షం కురిపిస్తోంది . కేవలం మూడు రోజుల్లో మరో హాలీవుడ్ మూవీ అయినా డాక్టర్ స్ట్రేంజ్ మొత్తం కలెక్షన్ల రికార్డులను బద్దలు కొట్టి రికార్డు క్రియేట్ చేసింది అవతార్ -2 మూవీ. ఈ విధంగా అవతార్-2 కలెక్షన్ల పరంగా దూసుకుపోతోంది.
3 రోజులు 3600కోట్లు.. అవతార్ 2.. సరికొత్త రికార్డ్..!!