పవర్ స్టార్ పవన్ కళ్యాణ్ వచ్చే ఎన్నికల్లో ఎలాగైనా పార్టీని గట్టెక్కించాలనే ఆలోచనతో ఎన్నికలకు సంవత్సరం ముందుగానే అన్ని కసరత్తులు చేస్తూ ముందుకు పోతున్నారు.. తనదైన స్ట్రాటజీ మార్కు రాజకీయం చేస్తున్నారు.. ఇప్పటికీ అన్ని పార్టీలు ప్రజల్లోకి వెళ్లడానికి సమయాత్తమవుతున్నాయి. ఈ తరుణంలోనే జనసేన అధినేత పవన్ కళ్యాణ్ సరికొత్త ప్రచార రథాన్ని సిద్ధం చేసుకున్నారు. ఈ ప్రచార రథానికి చాలా ప్రత్యేకతలు ఉన్నాయట
. ఈ రథంలోనే జనసేన అధినేత పవన్ కళ్యాణ్ రాష్ట్ర వ్యాప్తంగా పర్యటించనున్నారు. ఇందులో నుండే ఎన్నికల ప్రచారం కూడా నిర్వహించనున్నారని, యాత్రలో పవన్ కళ్యాణ్ ఇదే వ్యాన్ లో వెళ్తారట. ఇక పవర్ స్టార్ జనంలోకి వెళ్లేందుకు చేపట్టబోయే ప్లాన్ మరికొద్ది రోజుల్లో ప్రకటించనున్నారు. ఈ యాత్రలో పవన్ కళ్యాణ్ వినియోగించే వాహనాన్ని ప్రత్యేకంగా రూపొందించారు. ప్రస్తుతం ఈ వాహనానికి సంబంధించిన పనులు ముగిసాయి.
ఆధ్యాత్మిక టెక్నాలజీతో, అన్ని హంగులతో ఈ వాహనాన్ని తయారు చేశారట. అయితే ఎప్పటికప్పుడు పవన్ కళ్యాణ్ ఈ వాహనాన్ని పరిశీలిస్తూ వచ్చారట. ముందు దీన్ని పూణే లో రెడీ చేద్దామని అనుకున్నారు.కానీ పవన్ కళ్యాణ్ సూచనలతో హైదరాబాదులోనే సిద్ధం చేశారు. ఈ వాహనానికి పవన్ కళ్యాణ్ కొన్ని ప్రత్యేకమైన సూచనలు కూడా చేసినట్టు తెలుస్తోంది. ఈ రథం నమూనా గతంలో ఎన్టీఆర్ ఉపయోగించిన ప్రచార రథం నమూనాలా ఉండటం అందరిని ఆశ్చర్యానికి గురిచేస్తుంది.. ఏది ఏమైనా ఆంధ్రప్రదేశ్లో ఎన్నికల వేడి పుట్టింది అని చెప్పవచ్చు.