TGPSC GROUP 2 EXAM
TGPSC Group -2 : గ్రూప్ -2 అభ్యర్థులకు తెలంగాణ పబ్లిక్ సర్వీస్ కమిషన్ (టీజీపీఎస్సీ) గుడ్ న్యూస్ చెప్పింది. గ్రూప్ -2 పరీక్షలను (Group-2 exam schedule 2024) ఎప్పుడు నిర్వహిస్తామన్న విషయంపై క్లారిటీ ఇచ్చేసింది. ఈ మేరకు గురువారం సాయంత్రం పరీక్షల షెడ్యూల్ ను విడుదల చేసింది. ఏ పరీక్ష ఎప్పుడు ఉంటుంది ? హాల్ టికెట్లు ఎప్పటి నుంచి డౌన్ లోడ్ చేసుకోవచ్చనే వివరాలను ఇక్కడ తెలుసుకుందాం..
తెలంగాణలో 783 గ్రూప్-2 పోస్టులకు గత బీఆర్ఎస్ ప్రభుత్వ హాయంలో నోటిఫికేషన్ రిలీజ్ అయ్యింది. 2022లోనే ఈ నోటిఫికేషన్ రిలీజ్ అయినప్పటికీ వివిధ కారణాల వల్ల వాయిదా పడుతూ వచ్చింది. కొత్తగా ఏర్పడిన కాంగ్రెస్ ప్రభుత్వం ఉద్యోగాల భర్తీని ప్రతిష్టాత్మకంగా తీసుకుంది. అందుకే వీలైనంత త్వరగా పరీక్షలను నిర్వహించాలని భావించింది. దీని కోసం షెడ్యూల్ ను కూడా రిలీజ్ చేసింది. మొదట ప్రభుత్వం ఈ గ్రూప్ -2 పరీక్షను ఆగస్టు 7,8వ తేదీల్లో నిర్వహించాలని భావించినప్పటికీ.. అభ్యర్థుల రిక్వెస్ట్ తో వాయిదా వేసింది. ఆ సమయంలో డీఎస్సీ, ఇతర పరీక్షలు ఉండటం వల్ల అభ్యర్థులు ప్రభుత్వానికి ఎన్నో వినతులు చేశారు. దానిపై ప్రభుత్వం సానుకూలంగా స్పందించింది. తాజాగా అందరికీ ఆమోగ్యయోగ్యమైన కొత్త షెడ్యూల్ ను రిలీజ్ చేసింది..
రెండు రోజుల పాటు పరీక్షలు..
గ్రూప్ -2 రాత పరీక్షలో మొత్తం నాలుగు పేపర్లు ఉంటాయి. అందుకే 2 రోజుల పాటు నాలుగు షిఫ్టుల్లో పరీక్షలను నిర్వహించాలని టీజీపీఎస్సీ నిర్ణయింంచింది. 2024 డిసెంబర్ 15, 16వ తేదీల్లో ఈ నాలుగు పరీక్షలు ఉంటాయని కమిషన్ స్పష్టం చేసింది. 15వ తేదీ ఉదయం 10 -12.30 గంటల వరకు పేపర్ -1, అదే రోజు మధ్యాహ్నం 3 -5.30 గంటల వరకు పేపర్ -2, మరుసటి రోజు అంటే డిసెంబర్ 16వ తేదీన ఉదయం 10-12.30 గంటలకు పేపర్ -3, మధ్యాహ్నం 3-5.30 గంటల వరకు పేపర్ -4 పరీక్షలను నిర్వహిస్తామని వెల్లడించింది.
హాల్ టికెట్స్ డౌన్ లోడ్ తేదీలు.. ?
గ్రూప్ -2 పరీక్షలకు సంబంధించిన హాల్ టికెట్స్ డౌన్ లోడ్ చేసుకోవడానికి కచ్చితమైన తేదీలు టీజీపీఎస్సీ ప్రకటించనప్పటికీ.. వారం రోజుల ముందు వెబ్ సైట్ లో హాల్ టికెట్లు అందుబాటులో ఉంచుతామని తెలిపింది. వాటిని అభ్యర్థులు డౌన్ లోడ్ చేసుకొని పరీక్షకు హాజరుకావాలని సూచించింది.
పేపర్లు ఇవే..
పేపర్ – 1 (జనరల్ స్టడీస్, జనరల్ ఎబిలిటీస్)
పేపర్ – 2 (హిస్టరీ, పాలిటీ, సొసైటీ)
పేపర్ – 3 (ఎకానమీ, డెవలప్ మెంట్)
పేపర్ – 4 (తెలంగాణ మూమెంట్, తెలంగాణ రాష్ట్ర ఏర్పాటు)
TG GROUP 2 EXAM NEW SCHEDULE 2024: గ్రూప్ 2 పరీక్షల కొత్త షెడ్యూల్